Modificar a potencia contratada

Podemos modificar a potencia contratada e/ou a tarifa de acceso dun contrato de luz mediante a Oficina Virtual. No final deste mesmo artigo atoparás unha imaxe que amosa como solicitar unha modificación de potencia na oficina virtual.

Unha vez teñas enviado a solicitude, o cambio farase efectivo nun período de entre unha e tres semanas, momento no que che mandaremos un correo electrónico informándote de que a modificación se realizou correctamente.

Reducir a potencia:

Baixar a potencia ten un custo de 10,94 € (IVE incluído), que cobrará a compañía distribuidora a través da nosa factura. Cabe ter en conta que as distribuidoras de electricidad esó teñen a obriga de aceptar unha solicitude de redución de potencia cada 12 meses. Polo tanto, se se pide unha redución de potencia cando aínda non teña pasado un ano desde a última petición, moi probablemente será rexeitada.

Aumentar a potencia:

O aumento de potencia tamén ten un custo de 10,94 € mais, neste caso, ademais, tamén se deberá pagar 44,86 € por cada kW de aumento. Estes importes vainos cobrar a compañía distribuidora a través da nosa factura. Excepcionalmente, algunhas distribuidoras tamén cobran a parte proporcional ao depósito de garantía (fianza que se paga no momento de dar de alta un punto de subministración).

Segundo o regulamento do mercado eléctrico, no caso de ter reducido a potencia contratada, durante os seguintes tres anos poderase volver aumentala ata o valor anteriormente contratado pagando 23,84 € por kW de aumento, en lugar dos 44,86 € mencionados anteriormente.

A compañía de distribución eléctrica pode esixir un novo boletín de recoñecemento de instalacións de baixa tensión se este xa está caducado (aos 20 anos) ou ben se o boletín vixente marca unha potencia máxima inferior á nova solicitada. Nese caso, notificarémoscho por correo electrónico.

Se na túa instalación hai un ICP (Interruptor de Control da Potencia), probablemente sexa necesaria a súa substitución ou retirada para dispor do total da nova potencia contratada.

No momento de mudar a potencia tamén podes decidir mudar a tarifa de acceso sen ningún custo adicional. Para máis información podes consultar a seguinte ligazón:

Se non tes claro que potencia precisas, recomendámosche o seguinte artigo:

Pasos para solicitar un cambio de potencia e/ou tarifa:

Podes modificar a potencia e/ou tarifa dalgún dos teus contratos de luz desde a Oficina Virtual iniciando sesión co teu usuario e contrasinal. Unha vez dentro, atoparás a opción na sección “contratos”, tanto no despregable da parte central como no menú lateral.

Se aínda non tes activa a túa Oficina Virtual, podes facelo de xeito doado e rápido seguindo os pasos que se indican na seguinte ligazón: Acceder por primeira vez á Oficina Virtual

Still need help? Contactar Contactar