O boletín eléctrico

O boletín eléctrico é un documento que certifica que a instalación eléctrica se atopa en bo estado e cumpre a normativa vixente en materia de seguridade.

En función de cal sexa a comunidade autónoma deste documento, pódese denominar de diferentes xeitos: "Documento de revisión periódica", "Boletín Azul", "Boletín de instalación eléctrica", etc.

Este documento debe emitilo un profesional electricista homologado e recolle as características da instalación como, por exemplo, a potencia máxima instalada, a que podería admitir, etc.

No caso de vivendas, en xeral, estes documentos teñen unha vixencia de 20 anos ou ata que se realiza algunha modificación na instalación (neste caso, irá acompañada dun novo boletín eléctrico).

Se nalgún momento se tramita unha baixa da subministración con corte de luz, o documento deixa de ter validez e no momento de tramitar a nova alta de subministración deberase emitir un novo. Neste caso, o documento ten unha validez de 6 meses desde a data da sinatura e, polo tanto, caduca se non se realiza a alta antes deste tempo.

O prezo deste boletín pode variar dependendo do profesional; sempre se recomenda pedir diferentes orzamentos. Como referencia, adoita estar entre os 100 e os 200 €, agás se se detectan anomalías que precisen unha actuación máis importante.

Hai que ter en conta que é recomendable revisar a túa instalación eléctrica cada 20 anos. Terás a seguridade que a instalación da túa casa funciona correctamente e, en caso de que se detecte algún problema, poderás corrixilo antes de que cause un dano maior.