Como pedir unha modificación da tarifa: de períodos a indexada, e de indexada a períodos
| [També en: català] | [También en: castellano] | [Euskaraz ere eskuragarri] |
Neste artigo explicamos como pedir un cambio de tarifa, de indexada a períodos, e de períodos a indexada.
Se aínda non tes contrato con Som Energia, podes facerte socio/a e contratar a luz co a tarifa que prefiras.
Para realizar un cambio de tarifa, deberás acceder á Oficina Virtual. Se aínda non accediches nunca, explicámosche como facelo, e tamén como recuperar o contrasinal, en caso de que a perderas.
Cando esteas dentro da Oficina Virtual, terás que ir á sección «Contratos» e, despois, facer clic en «Modificar a tarifa».
Aparecerache esta pantalla:
Desde alí, simplemente, sigue as instrucións que vaias atopando. Se tes calquera dúbida, podes enviarnos un correo a info@somenergia.coop.
Cando se me vai facer efectivo o cambio de tarifa?
Cando solicites un cambio de tarifa, iniciarase o proceso de modificación. Antes de pasar a ter a nova tarifa, recibirás unha última factura (se todo vai con normalidade, pode tardar até un mes, aproximadamente) coa enerxía facturada a prezo da tarifa que tiñas até agora. A partir dese momento, a enerxía que consumas xa cha facturaremos no prezo da nova tarifa.
Por exemplo, imaxinemos o caso dunha persoa que ten a tarifa 2.0TD períodos e o 11 de agosto pide unha modificación de tarifa para 2.0TD indexada. Imaxinemos que esta persoa recibiu a última factura o 3 de agosto. Cando solicitara a modificación, comezará o proceso de cambio. Esta persoa recibirá unha factura, seguramente a inicios de setembro, con data, por exemplo de 4 de agosto - 1 de setembro, na que toda a enerxía estará facturada ao prezo da tarifa que xa tiña, ou sexa, a 2.0TD períodos. A partir do día seguinte á data da factura, ou sexa, a partir do día 2 de setembro, xa terá a nova tarifa activada, e toda a enerxía que consuma a partir de entón xa se facturará a prezo da tarifa 2.0TD indexada.
Para este exemplo, a cronoloxía sería a seguinte:
3/08 → factura (con tarifa períodos)
11/08 → petición de modificación para tarifa indexada
04/08 - 01/09 → factura, con prezos da tarifa períodos
02/09 → aplicación dos prezos da tarifa indexada