Generation kWh: hai unha cantidade mínima ou máxima para achegar?

Para participar no Generation kWh, o importe mínimo para achegar en préstamo é de 100 euros. Non hai unha cantidade máxima para prestar, mais é recomendábel que non exceda o equivalente á electricidade que se utiliza anualmente.

A ter en conta:

• Se credes que reduciredes o voso uso total durante os próximos anos (medidas de eficiencia, incorporación de autoprodución na casa, etc.) é recomendable marcarvos un límite, e achegar o equivalente do 70 % da electricidade que esteades a utilizar actualmente, por exemplo. Na seguinte ligazón podes atopar unha pequena calculadora que te axuda a facer o cálculo axustado ao teu uso anual de enerxía.
• Podedes superar o 100 % do voso uso anual. Neste caso, coa enerxía que vos correspondería a prezo Generation kWh e que non precisastes durante todo o ano en curso, tedes dúas opcións: 
  • Asignar a outro contrato (ou contratos) de electricidade a enerxía que vos corresponde á tarifa Generation kWh e que non utilizastes.
  • Non facer nada, e valorar o feito de que a vosa achega axudou a construír máis plantas fotovoltaicas. Isto non quere dicir que esteades a perder diñeiro, sinxelamente que non aproveitades un prezo especial (o da tarifa Generation kWh), xa que non precisades comprar e utilizar esa enerxía de mais.

En todos os casos, pasados 25 anos terásevos devolto o diñeiro prestado. Por outra banda, sempre existe a posibilidade de solicitar a devolución anticipada do préstamo, tal e como establece o contrato.

Préstamo a longo prazo:
Trátase dun préstamo a longo prazo, que non ten ningunha rendibilidade asociada. Polo tanto, é recomendábel achegar só o diñeiro que no se teña previsto precisar. 

Participar no Generation kWh significa contribuír á transformación do modelo enerxético e ao aumento da produción de enerxía a partir de fontes renovábeis.

Ir ao web Generationkwh.org.