Horarios da tarifa 3.0TD períodos e tarifas de alta tensión por períodos
| [També en: català] | [También en: castellano] | [Euskaraz ere eskuragarri] |
Neste artigo explicamos como son os horarios da tarifa 3.0TD períodos e as tarifas de alta tensión por períodos que ofrece a cooperativa.
Os contratos de máis de 15 kW de potencia con baixa tensión ou os contratos de alta tensión comparten por normativa unha mesma estrutura horaria sobre a base de seis períodos que se chaman P1, P2, P3, P4, P5 e P6.
Esta configuración define as peaxes e cargos dos termos de potencia e enerxía da luz. Explicámolo con detalle no seguinte artigo: Como establecemos os prezos en Som Energia?
Así, desde a cooperativa, trasladamos esta estrutura horaria ás tarifas deste tipo de contrato, de xeito que teñen seis períodos, e a cada un destes períodos correspóndelle un prezo de enerxía (kWh) e de potencia (kW) diferente. Os prezos poden consultarse na sección de tarifas da web: prezos da tarifa 3.0TD períodos e prezos da tarifa 6.1TD períodos.
A cada zona territorial (Península, Illas Baleares e Illas Canarias), e segundo que mes do ano sexa, corresponde un período ou outro. Daquela, a continuación podes ver os horarios e períodos que corresponden ás diferentes zonas (as táboas poden descargarse a través das ligazóns):
Horarios da zona Península
Ligazón para descargar a imaxe.
Horarios das Illas Baleares
Ligazón para descargar imaxe.
Horarios das Illas Canarias
Ligazón para descargar imaxe.
Las tarifas 3.0TD indexadas y tarifas de alta tensión indexadas
En caso de dispor dunha tarifa 3.0TD indexada ou ben dunha tarifa de alta tensión 6.1TD, 6.2TD, 6.3TD e 6.4TD indexada, os horarios anteriores só son válidos para o termo de potencia.
Ou sexa, se tes unha tarifa 3.0TD indexada ou alta tensión con tarifa indexada, deberás reparar nestes horarios para determinar cal é a potencia para contratar en cada período.
Ao mesmo tempo, o termo de enerxía facturarase seguindo a fórmula indexada, cos correspondentes cambios hora a hora e día a día, que explicamos neste artigo do Centro de Axuda.