A empresa de distribución eléctrica
| [També en: català] | [También en: castellano] | [Euskaraz ere eskuragarri] |
As empresas de distribución de electricidade son as que posúen a propiedade da rede eléctrica de distribución da súa zona de actuación.
Neste artigo falaremos dos seguintes temas:
- Responsabilidades das distribuidoras
- É posíbel cambiar de empresa distribuidora?
- Como sabermos que empresa distribuidora xestiona o noso punto de subministración
- Distribución territorial das grandes distribuidoras españolas
- Teléfono de contacto das principais distribuidoras
- Teléfono de contacto doutras distribuidoras, por orde alfabétic
- Que podemos facer para construírmos unha alternativa ao oligopolio eléctrico?
Responsabilidades das distribuidoras
As empresas de distribución eléctrica son as encargadas de que chegue a corrente a todos os puntos de subministración a través da súa cablaxe, de mantela e de velar polo bo funcionamento da rede de distribución; polo tanto, é a empresa á que debes avisar se existe algunha avaría na rede ou se quedas sen luz.
Se é ese o teu caso, recomendámosche que consultes o seguinte artigo do Centro de Axuda: A quen chamar en caso de avaría?
Así, de forma resumida, son responsabilidades das distribuidoras:
- Levar a cabo o mantemento da rede de baixa tensión (a que distribúe a electricidade dentro dos municipios) para garantir unha boa subministración eléctrica a todas as vivendas, locais, equipamentos, pequena e mediana industria, etc.
- Aceptar ou rexeitar os cambios da empresa comercializadora, petición que tramita a comercializadora a raíz das solicitudes das persoas e entidades titulares.
- Aceptar ou rexeitar e efectuar as modificacións contractuais e as altas de subministración dos puntos de subministración que tramita a comercializadora a raíz das solicitudes das persoas e entidades titulares.
- Facer as lecturas dos contadores e envialas ás comercializadoras.
- Instalar o contador e realizar o seu mantemento se está en réxime de alugueiro, como é na maioría dos casos.
- Velar pola vixencia do boletín eléctrico de todas as instalacións ás que fan chegar a subministración eléctrica.
É posíbel cambiar de empresa distribuidora?
Non, a distribuidora depende da zona en que vives. Esta é a propietaria da rede existente e, polo de agora, a lei determina que non se pode cambiar.
Como sabermos que empresa distribuidora xestiona o noso punto de subministración?
Nas facturas da luz aparece a empresa responsábel coa que contactar en caso de avaría ou emerxencia: esa é a empresa distribuidora que lle corresponde ao teu punto de subministración.
Se se trata dunha alta de subministración, a empresa distribuidora que che corresponde é a mesma que a da túa veciñanza. En calquera caso, pódeste dirixir a unha empresa instaladora da zona para que cho confirme.
Distribución territorial das grandes distribuidoras españolas
A distribución da electricidade en España está dominada por cinco grandes grupos enerxéticos que teñen a gran maioría da rede baixo o seu control. A súa distribución pódese ver no seguinte mapa:
Estes grupos enerxéticos forman o que se denomina oligopolio do mercado eléctrico, tal como explicamos na parte final deste artigo.
Teléfono de contacto das principais distribuidoras
| Grandes distribuidoras | Teléfono de contacto |
|---|---|
| E-DISTRIBUCIÓN REDES DIGITALES, SL (Grupo Endesa) | 900 878 119 |
| I-DE REDES ELÉCTRICAS INTELIGENTES, SA (Grupo Iberdrola) | 900 171 171 |
| UFD DISTRIBUCIÓN ELECTRICIDAD, SA (Grupo Gas Natural Fenosa) | 900 111 999 |
| E-REDES DISTRIBUCIÓN ELÉCTRICA, SA | 900 907 003 |
| DISTRIBUCIÓN ELÉCTRICA VIESGO, SL | 900 505 249 |
Teléfono de contacto doutras distribuidoras, por orde alfabética
| Outras distribuidoras medianas, por orde alfabética | Teléfono de contacto |
|---|---|
| AGRI-ENERGÍA ELÉCTRICA | 900 727 272 |
| ANSELMO LEÓN DISTRIBUCIÓN, SL | 900 922 559 |
| BASSOLS ENERGY, SA | 972 260 150 |
| CARDENERO DISTRIBUCIÓN ELÉCTRICA, SLU | 900 102 261 |
| DISTRIBUCIÓN BEGASA | 900 101 051 |
| DISTRIBUIDORA DE ENERGÍA ELÉCTRICA DE DON BENITO, SLU | 924 801 492 |
| DISTRIBUIDORA DE ENERGÍA ELÉCTRICA DEL BAGES, SA | 800 760 706 |
| DISTRIBUIDORA ELÉCTRICA PUERTO DE LA CRUZ, SA | 900 855 855 |
| EL PROGRESO DEL PIRINEO, SL | 900 834 457 |
| ELECTRA AVELLANA, SL | 900 373 204 |
| ELECTRA CALDENSE, SA | 900 181 776 |
| ELECTRA CONILENSE, SL | 900 373 531 |
| ELECTRA DISTRIBUCIÓN CENTELLES, SL | 900 101 178 |
| ELECTRA MATTEA, SL | 900 373 180 |
| ELECTRA VALDIZARBE, SLU | 900 373 974 |
| ELÉCTRICA CONQUENSE, SA | 900 233 423 |
| ELÉCTRICA CUROS, SL | 900 649 164 |
| ELÉCTRICA DE GUIXÉS, SL | 900 101 605 |
| ELÉCTRICA DE JAFRE, SA | 800 760 706 |
| ELÉCTRICA DE TENTUDIA, SA | 900 373 891 |
| ELÉCTRICA DEL EBRO, SA | 800 760 706 |
| ELÉCTRICA DEL MONTSEC, SL | 900 373 975 |
| ELÉCTRICA DEL OESTE DISTRIBUCIÓN | 902 202 125 |
| ELÉCTRICA NUESTRA SEÑORA DE LOS SANTOS, SL | 900 373 671 |
| ELÉCTRICA SEROSENSE DISTRIBUIDORA, SL | 973 238 187 |
| ELÉCTRICA VAQUER, SA | 900 103 379 |
| ELÉCTRICAS PITARCH DIST, SLU | 902 202 125 |
| ELECTRICIDAD PUERTO DEL REAL, SA | 900 810 806 |
| ELECTRICITAT L’AURORA, SA | 972 101 222 |
| ENERGÍAS DE ARAGÓN, SL | 900 848 900 |
| ESTABANELL Y PAHISA ENERGÍA | 900 154 444 |
| GRUPO DE ELECCIONES RURALES DE BINEFAR Y CONDADO | 900 102 901 |
| HIDROELÉCTRICA DE CATALUÑA, SL | 800 760 706 |
| HIDROELÉCTRICA DEL GUADIELA I, SA | 900 103 326 |
| HIDROELÉCTRICA EL CARMEN REDES, SL | 900 373 508 |
| HIDROELÉCTRICA VEGA, SA | 900 818 908 |
| HIDROFLAMICELL, SL | 800 760 706 |
| LERSA ELECTRICIDAD, SL | 900 373 278 |
| MAESTRAZGO DISTRIBUCIÓN ELÉCTRICA, SLU | 900 373 285 |
| MOLINO VIEJO DE VILALLER, SA | 900 834 448 |
| PEUSA DISTRIBUCIÓN, SLU | 900 373 057 |
| SUMINISTRADORA ELÉCTRICA DE CÁDIZ, SA | 900 373 075 |
| SUMINISTROS ELÉCTRICOS ISABENA, SL | 900 373 506 |
| VALL DE SÓLLER ENERGÍA | 900 373 067 |
Que podemos facer para construírmos unha alternativa ao oligopolio eléctrico?
Como xa se comentou, en España o mercado da distribución e, por extensión, o mercado eléctrico están dominados polo que se denomina oligopolio. Tal como sinala a Wikipedia, un oligopolio dáse en mercados en que a competencia está limitada e as barreiras de entrada neles son moi altas ou, como neste caso, aos que só se pode acceder se a normativa ou o Goberno o permiten.
Ademais desta condición de oligopolio, que pode ser fonte natural de ineficiencias, é dabondo coñecido o fenómeno das portas xiratorias, isto é, o feito de que expolíticos entren a formar parte dos consellos de administración ou asuman cargos directivos destas empresas.
Malia non entrarmos a analizar a legalidade do feito, dado que estamos no contexto dun artigo do Centro de Axuda, non podemos deixar de cuestionar a ética deste tipo de feitos.
Xa que logo, facerse socio ou socia de Som Energia, unha cooperativa de enerxía 100 % renovábel sen ánimo de lucro, é un paso importante para construírmos unha alternativa ao oligopolio.
Tamén o é ler e difundir traballos como o feito por Alfons Pérez, da asociación catalá Enginyeria Sense Fronteres, no que se explican e se detallan accións que se poden levar a cabo para municipalizar a distribución eléctrica.
Convidámosvos a facelo.