Generation kWh: que representa unha Acción Enerxética?

Cada Acción Enerxética (AE), de 100 €, equivale a unha cantidade concreta de enerxía eléctrica (kWh) en función da produción real das Plantas Asociadas.

A equivalencia entre acción enerxética e a electricidade a recibir anualmente determínase en función da produción real das instalacións renovábeis vinculadas ao Sistema de Autoprodución Colectiva (Generation kWh).

Polo tanto, será un dato axustado á realidade en cada momento: se os proxectos xeran máis ese mes, a proporción mellorará. Se é un día de menos produción, esta produción reducirase. Como na actualidade todos os proxectos son fotovoltaicos, a asignación en inverno é menor e no verán é superior.

Debido a esta característica e ao feito de que a produción real depende tamén da hora do día (por exemplo, nas horas centrais do día, a produción fotovoltaica adoita ser a máxima), tamén depende a súa asignación por tramos horarios, segundo tarifa:

Por exemplo, para o global do ano 2022, a tarifa 2.0TD tivo unha proporción de 166,3 kWh/AE, e a enerxía asignada a cada período foi para P1: 51,8 kWh/AE, para P2: 55,4 kWh/AE e para P3:53 kWh/AE.

Para máis información, o método de cálculo concreto especifícase no Anexo I e Anexo II das Condicións xerais do contrato de adhesión ao proxecto Generation kWh.

Tamén podes consultar este otro artigo do centro de axuda que explica como se calcula o prezo da tarifa Generation kWh.