Que ofrece Som Energia ás comunidades enerxéticas?

En Som Energia apostamos por unha transición enerxética, transformadora, liderada pola cidadanía, cara a un modelo 100 % renovábel e descentralizado. Unha das ferramentas máis poderosas para levar a cabo este cambio son as comunidades enerxéticas; isto é, persoas particulares, entidades e pequenas empresas que se unen en cooperativas ou asociacións para transformaren o seu barrio, a súa vila ou a súa cidade cara a un modelo 100 % renovábel, democrático e nas mans das persoas.

Polo tanto, en Som Energia estamos totalmente comprometidas con darmos apoio e servizo ao impulso de novas comunidades enerxéticas.

Som Comunitats

Som Comunitats ofrece unha plataforma de visibilización, apoio e xestión de comunidades enerxéticas en que se pon á disposición diferentes ferramentas e recursos dixitais clave, así como a posibilidade de contratar servizos ofrecidos por cooperativas e empresas da economía social relacionados co impulso, a xestión e a consolidación do proxecto.

Som Comunitats está impulsado por unha alianza de cooperativas que xuntamos coñecemento e experiencia para analizar, avaliar e desenvolver distintos modelos de comunidades enerxéticas en función das características do territorio e os axentes participantes. Ademais, desenvolvemos ferramentas de xestión tecnolóxica e gobernanza que permiten replicar e acelerar a creación de comunidades enerxéticas, a súa escalabilidade e unha xestión áxil.

Para máis detalles, podes visitar o seu sitio web ou escribir un correo a info@somcomunitats.coop.

Ademais, desde Som Energia ofrecemos o servizo de representación de plantas de xeración para comunidades enerxéticas, así como a comercialización de electricidade 100 % renovábel. Tamén queremos informarte de que na actualidade estamos a traballar con novos servizos para comunidades enerxéticas relacionados coa flexibilidade da demanda e a repartición virtual de enerxía, entre outros.

Para máis información, podes escribir un correo a energia.colectiva@somenergia.coop.