Como vincular un contrato a unha persoa socia

Como cooperativa de consumo que é Som Energia, e tal e como estableceu no seu momento a Asemblea Xeral de socios e socias, para poder contratar a subministración eléctrica coa cooperativa debe darse unha das seguintes situacións:

• Ser socia ou socio de Som Energia.
• Que esta contratación estea vinculada a outra persoa ou entidade socia. O nome e número desta socia deberá notificarse no momento de facer a contratación.
• Que a subscrición do contrato se produza no marco dunha das campañas ou convenios de intercooperación vixentes nese momento.

En caso de que o teu contrato quede sen persoa socia vinculada (a excepción dos contratos que entraron a través dunha campaña de Nadal), é preciso regularizar a situación para dar cumprimento a esta condición (reflectida nas Condicións Xerais do contrato).

Para regularizar a situación, a opción prioritaria e que mellor reforza a cooperativa é facerse socio ou socia a través do formulario da páxina web.

En caso de que esta non sexa a túa decisión, tamén podes regularizala vinculando o teu contrato ao doutra persoa ou entidade socia.  

A continuación explicámosche como facelo:

Debes acceder á Oficina Virtual (se nunca entraches na Oficina Virtual, podes ler o artigo onde che explicamos como acceder a ela por primeira vez). Cando esteas na Oficina Virtual, no menú «Contratos», fai clic en «Ver os meus contratos»:

Cando che apareza a seguinte pantalla, na parte dereita, fai clic en «Xestionar» e, no menú que se despregará, fai clic en «Detalles do contrato»:

Na seguinte pantalla, na sección de «Socio/a vinculado ao contrato» verás un aviso que alerta da necesidade de vincular unha persoa socia ou ben asociarte ti mesmo/a:

Se non queres facerte socio/a, debes facer clic na opción «Vincular este contrato». Entón aparecerache esta pantalla:

Na sección «A que persoa socia queres vincular este contrato?», deberás indicar o NIF/NIE e o número de socio/a ao que queres vincular este contrato, e pulsar o botón «Cambiar socio/a vinculado a este contrato».

Se o proceso se realizou correctamente, aparecerache unha mensaxe de confirmación, e o cambio realizarase automaticamente. Poderás comprobalo na mesma Oficina Virtual en poucos minutos.