O servizo Infoenergia para entidades e empresas

[També en: català] [También en: castellano] [Euskaraz ere eskuragarri]

O servizo Infoenergia para entidades e empresas é unha ferramenta de asesoramento personalizado dirixida a os contratos que teñen a tarifa 3.0TD (máis de 15 kW de potencia contratada) ou calquera tarifa de alta tensión (6.1TD, 6.2TD, 6.3TD ou 6.4TD).

É un servizo gratuíto que consiste no envío periódico de informes personalizados con información sobre como optimizar o contrato para aforrar na factura da luz. Daquela, ten por obxectivo empoderar as usuarias sobre o seu contrato para que poidan pasar á acción para melloralo.

Se es unha entidade ou empresa e o teu contrato ten ata 15 kW de potencia contratada en baixa tensión (peaxe de transporte e distribución 2.0TD), recibirás os informes periódicos —semellantes aos informes domésticos— e tamén poderás consultar, na Oficina Virtual, a análise do uso de enerxía que fixeches. Para máis información, podes consultar o seguinte artigo: O servizo Infoenerxía.

Nos informes analizamos os datos que temos dispoñibles deste tipo de contratos, principalmente:

●  A enerxía utilizada en cada período tarifario e o custo asociado para ofrecer consellos para reducilo.

●  A potencia máxima utilizada en cada período tarifario e o custo asociado, incluídas as posíbeis penalizacións por superar a potencia contratada, co obxectivo de identificar as potencias óptimas a contratar e o aforro que pode comportar.

●  A enerxía reactiva xerada e as penalizacións que se derivan, co obxectivo de minimizar o seu custo ou eliminalo completamente.

Ofrecemos o servizo Infoenerxía para entidades e empresas desde o ano 2020. Para elaborar os informes colaboramos con Beedata Analytics, SL, unha empresa tecnolóxica especializada en análises de datos masivos.

Still need help? Contactar Contactar