Que é a representación no mercado eléctrico

A representación consiste en xestionar a venda no mercado eléctrico da enerxía producida por unha instalación no nome do seu titular.

A representante encárgase de vender a electricidade no mercado grosista e de pagar ás persoas titulares das plantas produtoras en función da súa produción de electricidade, do mesmo modo que a comercializadora se encarga de comprar a electricidade no mercado grosista e de facturala ás súas socias.

Os servizos asociados á representación son os seguintes:

• Trámites co operador do mercado (OMIE) e co operador do sistema (REE).
• Trámites coa Comisión Nacional dos Mercados e da Competencia (CNMC).
• Liquidación de retribución específica, no caso de dispor dela.
• Xestión integral da facturación.
• Xestión das previsións de produción de electricidade pola venda no mercado.
• Tramitación de reclamacións de medidas.
• Atención e apoio aos produtores.
• Tramitación da expedición e transferencia dos certificados de garantías de orixe (GdO).

A quen vai dirixido

O servizo de representación vai dirixido principalmente a todas aquelas persoas e entidades socias da cooperativa que dispoñan de plantas de produción.

Isto non quere dicir que este servizo lles interese a todas as que dispoñan dunha instalación de xeración de enerxía renovábel. As principais instalacións interesadas en ter un representante de mercado son as seguintes:

• Instalacións produtoras de enerxía renovábel destinadas á venda de enerxía.
• Instalacións de autoconsumo con venda de excedentes.