Enviar información con datos sensíbeis
| [També en: català] | [También en: castellano] | [Euskaraz ere eskuragarri] |
Se por algún motivo precisas enviarnos datos sensíbeis, en Som Energia dispomos dunha caixa de correo específica: datos.sensibles@somenergia.coop. Deste xeito poderemos tratalos con cautela e privacidade.
En que situacións preciso enviar datos sensíbeis á miña comercializadora de luz?
O caso máis habitual en que podes precisar enviarnos datos sensíbeis é na dependencia enerxética por motivos de saúde.
De reunires as condicións, o teu contrato pode pasar a ser considerado esencial e ininterrompíbel. Nestes casos, tal e como se explica na ligazón anterior, deberás enviarnos un certificado médico que o acredite.
Que son os datos sensíbeis?
A normativa de protección de datos persoais distingue entre os datos persoais e os datos persoais sensíbeis.
Os datos persoais sensíbeis, pola súa importancia e privacidade, están suxeitos a un tratamento específico.
Considéranse datos persoais sensíbeis:
● Datos relativos á saúde, por exemplo, informes ou certificados médicos.
● Datos persoais que revelen a orixe por ascendencia ou etnia, opinións políticas, conviccións relixiosas ou filosóficas.
● Datos relativos á vida sexual ou orientación sexual dunha persoa.
O tratamento que facemos dos datos sensíbeis será coa máxima dilixencia, cautela e privacidade, de conformidade co que determina este regulamento.