Podo ter máis dunha instalación de autoconsumo asociada ao meu contrato?

Aínda que o máis habitual é que un punto de subministración estea conectado a unha única instalación fotovoltaica, a normativa permite que un mesmo contrato reciba a produción de distintas instalacións fotovoltaicas, sempre que sexan do mesmo tipo (con excedente ou sen excedente); porén, a normativa non especifica como se deben xestionar estes casos.

A Comisión Nacional dos Mercados e a Competencia ( CNMC) está a traballar para definir a súa aplicación e a adaptación dos sistemas, tanto das empresas distribuidoras de electricidade como das empresas comercializadoras.

En caso de que queiras vincular o teu contrato a dúas instalacións fotovoltaicas, por exemplo, se tes unha instalación de placas no teu domicilio, e ademais queres formar parte dunha instalación de autoconsumo compartido no teu barrio ou localidade, será preciso que te poñas en contacto connosco por correo electrónico a modifica@somenergia.coop.

Debes ter en conta que, até que as distribuidoras adapten os seus sistemas, os trámites para trasladar un contrato á modalidade de autoconsumo poderán ser máis longos do habitual.

A facturación destes contratos estase a realizar agregadamente, ou sexa, o distribuidor envíanos a información dos excedentes que xeran as distintas instalacións de xeito conxunto e, polo tanto, non é posíbel saber cantos excedentes xerou cada unha das instalacións.

Está previsto que a CNMC publique os procedementos aplicábeis a este caso nos próximos meses, polo que a comezos de 2024 deberían aplicarse cambios que facilitarán a xestión e facturación destes contratos asociados a máis dunha instalación fotovoltaica.

Desde a cooperativa agardamos poder atender axeitadamente estes casos canto antes.