Que potencia GURB podo contratar?

GURB (xeración eléctrica urbana) é o novo servizo de Som Energia que facilita a participación nun proxecto de autoconsumo colectivo ás persoas e entidades socias da cooperativa, sobre todo a aquelas que, pola circunstancia que sexa, non poden participar nun autoconsumo.

Neste artigo falaremos dos seguintes puntos:

• Que é a potencia GURB?
• Que potencia GURB podo contratar?
• De acordo co meu consumo, cal é a potencia GURB recomendada?

Que é a potencia GURB?

Chamámoslle potencia GURB á potencia que corresponde á túa participación nun proxecto GURB concreto ou, dito dunha maneira máis sinxela, a «parte que che corresponde» da potencia total da instalación, expresada en kW.

Esta potencia GURB determina a produción de enerxía que se che asignará pola túa participación: canta máis potencia GURB, máis enerxía poderás obter.

É como se che correspondesen unha, dúas ou máis placas. Chegarache a enerxía que xeren.

Que potencia GURB podo contratar?

Polo xeral, a potencia GURB que os usuarios domésticos poden contratar é de 0,5 kW ou 1 kW por contrato. Esta potencia GURB quedará recollida nas condicións particulares do teu contrato.

Se as características da instalación o permiten, pode ser que se abra a posibilidade de contratar unha potencia GURB máis elevada. Nese caso, determinarase e informarase con claridade das posíbeis potencias GURB dispoñíbeis.

Para os contratos de empresas, que teñen máis consumo, a potencia GURB que se pode contratar aumenta.

Segundo o meu consumo, cal é a potencia GURB recomendada?

A potencia que se recomenda contratar varía en función do tipo de usuario e do seu consumo.

Para usuarios domésticos (tarifas 2.0TD, por baixo de 15 kW de potencia contratada)

Neste caso, segundo o teu uso anual de enerxía, a nosa recomendación é a seguinte:

No caso de desexares unha participación máis elevada, podes escribir un correo a gurb@somenergia.coop e valoraremos a túa petición en función do teu consumo anual e da dispoñibilidade que haxa.

Podes atopar o teu consumo anual en calquera factura, como explicamos neste artigo.

E se o meu consumo anual é inferior a 1.000 kWh?

Para un consumo anual de electricidade inferior a 1.000 kWh/ano, adherirte a un autoconsumo compartido como GURB proporcionarache independencia do mercado, pero neste caso é probábel que non haxa un aforro económico na factura, xa que o custo do servizo pode ser superior ao posíbel aforro que poida xerar a instalación de autoconsumo.

Para os contratos de entidades e empresas (con tarifa 3.0TD)

Para usuarios coa tarifa 3.0TD, polo xeral entidades e empresas, a potencia GURB óptima variará en función de diversos factores, como o consumo anual, pero tamén das horas ás que se utiliza a enerxía.

A seguir propomos uns valores estimados da potencia GURB que contratar segundo o uso de enerxía anual.

Se queres ter un estudo personalizado segundo o teu consumo real, podes escribir un correo a gurb@somenergia.coop e axudarémoste.

No caso de non ter o contrato con Som Energia, terás que anexar unha factura recente da subministración eléctrica e indicarnos o horario habitual de funcionamento do estabelecemento.

Por que as potencias GURB que se poden contratar están limitadas?

Como xa sinalamos, as potencias GURB que se poden contratar están limitadas. A razón é dobre:

• Por unha banda, unha participación pequena no proxecto favorece que o custo do servizo se poida recuperar con máis facilidade coa enerxía obtida. Isto é así porque, se a potencia é menor, hai máis probabilidade de empregar toda a enerxía xerada. Se participas con máis potencia da necesaria, é posíbel que non aproveites toda a enerxía que se xere.
• Por outra banda, as participacións pequenas permiten que máis persoas ou entidades socias da cooperativa poidan participar, seguindo o mesmo criterio que aplicamos noutros produtos e servizos: buscar a maior participación posíbel.